SMS რეკლამის ახალი შესაძლებლობები

SMS რეკლამის განხორციელების პროცესში, 3 ძირითადი მხარეა ჩართული: კომპანია რომელიც დამკვეთის როლშია, კომპანია რომელიც ასრულებს დაკვეთას და მომხმარებელი, რომელიც ყოველდღიურად იღებდა შეთავაზებებს სხვადასხვა ორგანიზაციებიდან და ეფექტურად იყენებდა თავისი საჭიროებების შესაბამისად. 

1 მარტს ამოქმედდა კანონი, რომელმაც უამრავ ორგანიზაციას საკომუნიკაციო არხი შეუზღუდა. ერთის მხრივ კომპანიებს, რომლებიც SMS რეკლამის არხს აქტიურად იყენებდნენ მომხმარებლებთან საკომუნიკაციოდ, შეეზღუდათ წვდომა შესაძლებლობაზე, რომელიც მათი შეთავაზებების მარტივ და სწრაფ გავრცელებას უზრუნველყოფდა. მეორეს მხრივ SMS პროვაიდერები საკამოდ დაზარალდნენ, რადგან პრაქტიკულად შეჩერდა აქტიური კამპანიები და საზოგადოება, რომელიც, როგორც გამოიკვეთა, აქტიურად ადევნებდა შეთავაზებებს თვალს, დარჩა ინფორმაციის გარეშე. ერთი შეხედვით, გარკვეული სოციუმი კმაყოფილია, მეორეს მხრივ კი კომპანიები და საზოგადოების ნაწილი, ინფორმაციულ ვაკუუმში აღმოჩნდა. სწორედ ამიტომ შეიქმნა QRsms, რომელიც ორგანიზაციებს აძლევს საშუალებას, შეაგროვონ მომხმარებელთა ტელეფონის ნომრები უმარტივესად და ამავე ნომრებს ეკონტაქტონ მარტივად, ერთი ფანჯრის პრინციპით. 

QRSms, როგორც სერვისი, უკვე აქტიურია და ათობით ორგანიზაციამ დაიწყო მისი გამოყენება. სერვისის მოწინავე რიგებში არიან: მაღაზიათა ქსელები, ინდივიდუალური მეწარმეები, კვების ობიექტები და სხვა. მაგრამ მაინც, კამპანიების მასიურად დაგზავნის საჭიროება კვლავ არსებობდა. სწორედ ამიტომ, შეიქმნა ერთიანი ცენტრალიზებული ბაზა, რომელიც ასიათასობით ადამიანის გაცხადებულ თანხმობას აერთიანებს, იმის შესახებ, რომ მათ კვლავ მიიღონ SMS რეკლამით ახალ-ახალი ფასდაკლებები და სიახლეები. შესაბამისად, Gosms აგრძელებს კომპანიებთან თანამშრომლობას. მართალია, მომხმარებელთა ბაზა შედარებით შემცირებულია, მაგრამ უსწრაფესი და ხელმისაწვდომი სარეკლამო არხი კვლავ აქტიურია, გამოიყენება და არის ინფორმაციის გავრცელების წყარო. 

ბაზარზე მასიურად შემცირებულმა SMS რეკლამის რაოდენობამ, დადებითი გავლენა მოახდინა მიმდინარე კამპანიების ეფექტურობაზე, რადგან SMS ძირითადად იმ ადამიანებს მისდით, ვისთვისაც საინტერესოა კონკრეტული შეთავაზებები, სიხშირის შემცირებამ კი კონვერსიები გაზარდა, უფრო მეტი ადამიანი ხსნის შემოსულ შეტყობინებას და რამდენჯერმე გაზრდილია საბოლოო შედეგიანობის მაჩვენებელი. სწორედ ეს გარემობები აქცევს SMS რეკლამას ახალ შესაძლებლობად, ნაკლები დანახარჯით, კიდევ უფრო მეტი ადამიანის ყურადღების მიქცევა და პარალელურად გაყიდვების ზრდა უფრო მეტად რეალური და მარტივი გახდა ვიდრე ეს 6 თვის წინ იყო.

კომპანია Gosms-ში, მსგავსი კამპანიებისთვის ცალკე პაკეტებიც შექმნილია, რომელიც ზრდის მოქნილობას, აუდიტორიის არჩევის შესაძლებლობას და ამცირებს რეკლამისთვის განსაზღვრულ მთლიან ბიუჯეტს. ეს ყველაფერი კი ხდება არა ხარისხის დავარდნის ხარჯზე, არამედ არსებული გარემოებების სწორად გამოყენების საშუალებით. 

SMS რეკლამით სარგებლობა შეუძლია ნებისმიერ დაინტერესებულ ფიზიკურ თუ იურიდიულ პირს, თქვენზე მორგებული შეთავაზებებისათვის კი მოგვწერეთ ან დაგვირეკეთ და ჩვენი გაყიდვების წარმომადგენელი დაგეხმარებათ, დაგეგმოთ თქვენს მიზნებზე ორიენტირებული კამპანია და მოგცემთ საშუალებას, ჩვენთან ერთად აკონტროლოთ  სარეკლამო ტექსტები და შედეგები.